తెలుగు ఫిల్మ్ ప్రొడ్యూసర్స్ కౌన్సిల్, 2017-2024 సంవత్సరాలకు గాను నిలిచిపోయిన ‘నంది ఫిల్మ్ అవార్డుల’ను తిరిగి పునరుద్ధరించినందుకు ఆంధ్రప్రదేశ్ గౌరవ ముఖ్యమంత్రి శ్రీ నారా చంద్రబాబు నాయుడు గారికి, గౌరవ ఉప ముఖ్యమంత్రి శ్రీ కె. పవన్ కళ్యాణ్ గారికి, గౌరవ సినిమాటోగ్రఫీ మంత్రి శ్రీ కె. దుర్గేష్ గారికి, గౌరవ ఎమ్మెల్యే మరియు ప్రముఖ సినీ నటులు శ్రీ నందమూరి బాలకృష్ణ గారికి, ఎ.పి. రాష్ట్ర ఫిల్మ్, టీవీ & థియేటర్ డెవలప్మెంట్ కార్పొరేషన్ లిమిటెడ్ ఛైర్మన్ శ్రీ పి. భరత్ భూషణ్ గారికి మరియు మేనేజింగ్ డైరెక్టర్ శ్రీ కె.ఎస్. విశ్వనాథన్ గారికి హృదయపూర్వక ధన్యవాదాలు తెలియజేసారు.
అంతేకాకుండా, 24.09.2026 తేదీన ఎ.పి. ఎఫ్డిసి, ఆంధ్రప్రదేశ్ ప్రభుత్వానికి వారు సమర్పించిన లేఖలోని అభ్యర్థనను పరిశీలించి, బంగారు నంది, వెండి నంది మరియు కంస్య నంది (గోల్డెన్, సిల్వర్ & బ్రాంజ్ నంది) అనే మూడు కేటగిరీలలో నంది అవార్డులను పునరుద్ధరించడానికి అంగీకరించినందుకు ధన్యవాదాలు తెలియజేసారు. అలాగే, 2017-2024 సంవత్సరాలకు గాను ‘ఎన్.టి.ఆర్. జాతీయ ఫిల్మ్ అవార్డు’ను కూడా పునరుద్ధరించడంపై పరిశీలించినందుకు వారు హృదయపూర్వక ధన్యవాదాలు తెలియజేసారు.
1964 సంవత్సరం నుండి స్థాపించిన నంది ఫిల్మ్ అవార్డులు అనేది తెలుగు చలనచిత్ర పరిశ్రమకు మరియు తెలుగు ప్రజల సంస్కృతికి ఒక భావోద్వేగంతో కూడుకున్న విషయం. మన సంస్కృతిని గౌరవించడం ఎల్లప్పుడూ ప్రకృతిని కాపాడుతుంది, అది తెలుగు రాష్ట్రాల అభివృద్ధికి తోడ్పడుతుంది. అందువల్ల, నంది ఫిల్మ్ అవార్డుల ద్వారా కళాకారులను, సాంకేతిక నిపుణులను సత్కరించడాన్ని అందరూ అభినందిస్తున్నారు. కావున, తెలుగు చలనచిత్ర పరిశ్రమకు చెందిన కళాకారులను, సాంకేతిక నిపుణులను గౌరవించాలని ఆంధ్రప్రదేశ్ ప్రభుత్వం/కూటమి పార్టీలను మేము హృదయపూర్వకంగా అభ్యర్థిస్తున్నామని తెలుగు ఫిలిం ప్రొడ్యూసర్ కౌన్సిలు తెలియజేసారు.
(సి. కళ్యాణ్) (టి. ప్రసన్న కుమార్) (వై.వి.ఎస్. చౌదరి)
అధ్యక్షుడు గౌరవ కార్యదర్శి గౌరవ కార్యదర్శి