శ్రీ మహా సుబ్రహ్మణ్య వేదవేదాంగ విద్యాపీఠమ్ వద్ద నందమూరి బసవ రామ తారకం ఎన్టీఆర్ చారిటబుల్ ట్రస్ట్ నుండి వస్త్ర పంపిణీ చేయడం జరిగింది. హైదరాబాద్ లోని తొర్రూర్ వద్ద ఉన్న ఈ విద్యాపీఠమ్ వద్ద దసరా నవరాత్రుల సందర్భంగా నందమూరి మోహన రూపా గారు, నందమూరి శ్రీమంతుని గారు చైర్మన్ నందమూరి మోహన కృష్ణ గారి ఆధ్వర్యంలో విద్యాపీఠమ్ లోని పెద్ద వారికి, విద్యార్థులకు అందరికీ తమ స్వహస్తాలతో వస్త్రాలను అందచేసి ఈ కార్యక్రమాన్ని చేయడం జరిగింది. ఈ విద్యాపీఠమ్ లోని విద్యార్థులకు మన భారత దేశపు సంప్రదాయాలు, సంస్కృతి, విలువలు నేర్పిస్తూ భవిష్యత్ తరాలను తీర్చిదిద్దే ఈ గురుకులంలోని వారికి వస్త్రాలను అందచేశారు. ఈ సందర్భంగా నందమూరి మోహన రూపా గారు, నందమూరి శ్రీమంతుని గారు అక్కడ ఉన్న ముత్తైదువులకు నమస్కారం చేసుకోగా వేదపండితులు వారిని ఆశీర్వదించారు.
ఈ సందర్భంగా అక్కడ ఉండే పండితులు మాట్లాడుతూ… “నందమూరి బసవ రామ తారకం ఎన్టీఆర్ చారిటబుల్ ట్రస్ట్ ద్వారా శ్రీ మహా సుబ్రహ్మణ్య వేదవేదాంగ విద్యాపీఠమ్ నందు వస్త్ర పంపిణీ చేసిన శ్రీ నందమూరి మోహన కృష్ణ గారికి, నందమూరి మోహన రూపా గారికి, నందమూరి గారికి ధన్యవాదాలు తెలుపుకుంటున్నాము. ఇటువంటి మహానుభావుల దాతల సహాయంతో విద్యార్థులకు అన్ని సౌకర్యాలు లభిస్తున్నాయి. అమ్మవారు వీరిని సహాయం చేయమని పంపినట్లు అనుకుంటున్నాము. మా దాతలు సుఖసంతోషాలతో ఆరోగ్యంగా ఉండాలని కోరుకుంటూ అమ్మవారిని ప్రార్థిస్తున్నాము” అన్నారు.