‘ఖైదీ 2’ కోసం అభిమానులు ఎంతో ఆసక్తిగా ఎదురు చూస్తున్నారు. లోకేష్ కనగరాజ్ సినిమాటిక్ యూనివర్స్‌లో నాల్గో చిత్రంగా ఈ మూవీ రూపొందనుంది. కార్తీ డిల్లీ పాత్రలో మళ్లీ ఆకట్టుకోనున్నారు. డ్రీమ్ వారియర్ పిక్చర్స్, కెవిఎన్ ప్రొడక్షన్స్ నిర్మిస్తున్న ఈ చిత్రానికి సామ్ సిఎస్ సంగీతం అందిస్తున్నారు. గిరీష్ గంగాధరన్ సినిమాటోగ్రఫీ, ఫిలోమిన్ రాజ్ ఎడిటింగ్ బాధ్యతలు నిర్వహిస్తున్నారు.రిలీజ్ డేట్, ఇతర వివరాల కోసం అభిమానులు ఎంతో ఆసక్తితో ఎదురుచూస్తున్నారు.
లోకేష్ కనగరాజ్ దర్శకత్వంలో కార్తీ హీరోగా తెరకెక్కనున్న ‘ఖైదీ 2’ సినిమాపై అభిమానుల్లో భారీ అంచనాలు నెలకొన్నాయి. ఈ సీక్వెల్‌ను భారీ స్థాయిలో తీసుకొస్తున్నట్లు లోకేష్ స్వయంగా వెల్లడించారు. యాక్షన్, ఎమోషన్, స్కేల్‌లో ఈ చిత్రం అద్భుతంగా ఉంటుందని హామీ ఇచ్చారు. స్క్రిప్ట్ పనులు దాదాపు పూర్తయినట్లు సమాచారం. లోకేష్ సినిమాటిక్ యూనివర్స్‌లో ఈ సినిమా కీలకంగా నిలవనుంది. కచ్చితంగా విక్రమ్, లియో చిత్రాల పాత్రలతో క్రాస్‌ఓవర్ ఉంటుందట. 2026లో విడుదల కానున్న ఈ చిత్రం భారీ యాక్షన్ సన్నివేశాలతో అభిమానులను అలరించనుంది.