బాలీవుడ్ సూపర్ స్టార్ ఆమీర్ ఖాన్ మహాభారతం ఆధారంగా ఓ భారీ సిరీస్‌ను రూపొందించేందుకు సన్నాహాలు చేస్తున్నారు. ఈ సిరీస్‌లో ఆమీర్ కృష్ణుడి పాత్రలో నటించనున్నట్లు సమాచారం. అయితే, అర్జునుడి పాత్ర కోసం టాలీవుడ్ ఐకాన్ స్టార్ అల్లు అర్జున్‌ను ఎంచుకోవాలని ఆమీర్ భావిస్తున్నట్లు తెలుస్తోంది. ఈ విషయమై ముంబైలో ఆమీర్, అల్లు అర్జున్ సమావేశమైనట్లు నివేదికలు వెల్లడించాయి. ఈ భారీ ప్రాజెక్ట్‌లో అల్లు అర్జున్ నటిస్తే, అది భారతీయ సినిమా చరిత్రలో మైలురాయిగా నిలుస్తుందని అభిమానులు ఉత్సాహపడుతున్నారు. ఆమీర్, అల్లు అర్జున్, రెండు విభిన్న నటనా శైలులు ఒకే వేదికపై కలిస్తే ప్రేక్షకులకు అద్భుతమైన అనుభవం లభిస్తుందని అంటున్నారు. అల్లు అర్జున్ ఈ ప్రాజెక్ట్‌కు ఆమోదం తెలిపారా? ఈ సిరీస్ ఎప్పుడు షూటింగ్ ప్రారంభమవుతుంది? అనే ఆసక్తి అందరిలో నెలకొంది