‘పెద్ది’ సినిమా షూటింగ్‌లో బిజీగా ఉన్న దర్శకుడు బుచ్చిబాబు, గ్లోబల్ స్టార్ రామ్ చరణ్‌తో తీసుకున్న సెల్ఫీని సోషల్ మీడియాలో పోస్ట్ చేసి సంచలనం సృష్టించారు. ‘ఆరెంజ్’ సినిమాలోని రొమాంటిక్ సాంగ్‌ను బ్యాక్‌గ్రౌండ్‌గా జోడించి, చరణ్‌పై తన అభిమానాన్ని చాటుకున్నారు. ఈ ఫోటో ఇప్పుడు నెట్టింట వైరల్‌గా మారింది. మెగా ఫ్యాన్స్ ఈ జోడీ బాక్సాఫీస్‌ను షేక్ చేస్తుందని ఉత్సాహంగా అంటున్నారు. ఈ చిత్రంలో జాన్వీ కపూర్ కథానాయికగా నటిస్తుండగా, ఏఆర్ రెహమాన్ సంగీతం సమకూరుస్తున్నారు. బుచ్చిబాబు దర్శకత్వంలో రామ్ చరణ్ నటన, రెహమాన్ మ్యూజిక్ కలిస్తే ‘పెద్ది’ బ్లాక్‌బస్టర్ అవ్వడం ఖాయమని అభిమానులు ఆశిస్తున్నారు. సినిమా రిలీజ్ కోసం ఫ్యాన్స్ ఆసక్తిగా ఎదురుచూస్తున్నారు.