బాలీవుడ్ స్టార్ అమీర్ ఖాన్ తన తాజా చిత్రం ‘సితారే జమీన్ పర్’ ప్రచారంలో బిజీగా ఉన్నారు. ఈ క్రమంలో ఓ ఇంటర్వ్యూలో ఆయన తన డ్రీమ్ ప్రాజెక్ట్ గురించి ఆసక్తికర విషయాలు వెల్లడించారు. భారతీయ సంస్కృతి ఆధారంగా మహాభారతాన్ని భారీ ఎత్తున తెరకెక్కించాలని అమీర్ చాలా కాలంగా ప్లాన్ చేస్తున్నారు. ఈ సినిమాను ఆధునిక ప్రేక్షకులకు అనుగుణంగా, ఎమోషనల్ డ్రామాతో గ్రాండ్‌గా రూపొందించాలని ఆయన ఆలోచన. మహాభారతంలోని జీవన సత్యాలు, భావోద్వేగాలు ప్రపంచవ్యాప్తంగా అందరినీ ఆకట్టుకుంటాయని ఆయన నమ్మకం వ్యక్తం చేశారు. అయితే, ఈ ప్రాజెక్ట్ తర్వాత నటనకు పూర్తిగా దూరం కావాలని అమీర్ నిర్ణయించుకున్నట్లు తెలిపారు. ఈ వ్యాఖ్యలు అభిమానులను ఆశ్చర్యంలో ముంచెత్తాయి. దాదాపు మూడు దశాబ్దాలుగా సినిమా రంగంలో అద్భుత ప్రదర్శనలతో అలరిస్తున్న అమీర్, ఈ నిర్ణయంతో బాలీవుడ్‌లో సంచలనం సృష్టించారు. మహాభారతం సినిమాతో ఆయన ఎలాంటి మాయ చేస్తారో చూడాలి.