బాలీవుడ్ సూపర్ స్టార్ సల్మాన్ ఖాన్ తెలుగు వీర జవాన్ కల్నల్ బిక్కుమళ్ల సంతోష్ బాబు జీవిత కథతో సినిమా చేయనున్నాడు. 2020 గాల్వాన్ లోయ ఘర్షణలో వీరమరణం పొందిన సంతోష్ బాబు పాత్రలో సల్మాన్ కనిపించనున్నారు. అపూర్వ లఖియా దర్శకత్వంలో రూపొందుతున్న ఈ చిత్రం షూటింగ్ జూలై 2025లో లడఖ్‌లో ప్రారంభం కానుంది. 16వ బీహార్ రెజిమెంట్ కమాండింగ్ ఆఫీసర్‌గా సేవలందించిన సంతోష్ బాబు నిజ జీవిత ఘటనల ఆధారంగా ఈ సినిమా తెరకెక్కనుంది. కథ సల్మాన్‌కు బాగా నచ్చడంతో, ఈ పాత్ర కోసం ఆయన శారీరక శిక్షణను కూడా మొదలుపెట్టారు. కర్నూల్‌కు చెందిన తెలుగు వీరుడి కథను బాలీవుడ్ స్టార్ తెరపై ఆవిష్కరించడం ఆసక్తి రేకెత్తిస్తోంది. ఈ బయోపిక్ దేశభక్తి ఉట్టిపడేలా ఉంటుందని అంచనాలు ఉన్నాయి.