పాన్ ఇండియా సూపర్‌స్టార్ ప్రభాస్ హీరోగా, కమర్షియల్ హిట్‌మేకర్ మారుతి దర్శకత్వంలో తెరకెక్కుతోన్న భారీ చిత్రం ది రాజా సాబ్. ఈ సినిమా పై అభిమానుల హైప్ ఆకాశమే హద్దుగా ఉంది! ప్రస్తుతం చిత్ర బృందం పోస్ట్-ప్రొడక్షన్ పనులను జెట్ స్పీడ్‌లో పూర్తి చేస్తోంది. ఈ వారంలో ప్రభాస్ తన పాత్రకు తెలుగుతో పాటు హిందీలోనూ స్వయంగా డబ్బింగ్ చేయనున్నారని తెలుస్తోంది. ఈ వార్త అభిమానుల్లో ఉత్సాహాన్ని మరింత పెంచింది.
ఈ చిత్రంలో మాళవిక మోహనన్, నిధి అగర్వాల్, రిద్ధి కుమార్ వంటి స్టార్ హీరోయిన్లు తళుక్కుమననున్నారు. అలాగే, బాలీవుడ్ దిగ్గజం సంజయ్ దత్ కీలక పాత్రలో కనిపించనున్నారు. సంగీత విద్వాన్ తమన్ ఈ చిత్రానికి బాణీ సమకూరుస్తుండగా, పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ ఈ భారీ బడ్జెట్ చిత్రాన్ని నిర్మిస్తున్నారు.
షూటింగ్, పోస్ట్-ప్రొడక్షన్ పనులు ఏకకాలంలో వేగంగా సాగుతున్నాయి. సినిమా పై అంచనాలు ఓ రేంజ్‌లో ఉన్నాయి. అభిమానులు ఈ విజువల్ ఫీస్ట్‌ను థియేటర్లలో చూసేందుకు సిద్ధంగా ఉన్నారు. ది రాజా సాబ్ బాక్సాఫీస్‌ను ఎలా షేక్ చేయనుందో చూడడానికి అందరూ ఆసక్తిగా ఎదురుచూస్తున్నారు!