నెట్‌ఫ్లిక్స్ బ్లాక్‌బస్టర్ సిరీస్ ‘స్క్విడ్ గేమ్’ మూడో సీజన్ కోసం అభిమానుల ఎదురుచూపు మరింత ఉత్కంఠభరితంగా మారింది. జూన్ 27 నుంచి సీజన్ 3 స్ట్రీమింగ్‌కు సిద్ధమవుతోంది. ఇప్పటికే విడుదలైన స్టన్నింగ్ ట్రైలర్, ఆకర్షణీయమైన పోస్టర్లు అభిమానుల్లో హైప్‌ను ఆకాశానికి తాకేలా చేశాయి. మొదటి రెండు సీజన్లలోని ఉత్కంఠ, డ్రామా, ఎమోషన్స్‌ను మరింత ఉన్నతంగా తీసుకెళ్తూ ఈ సీజన్ కథ సాగనుంది. ఇది ఫైనల్ సీజన్ అని నెట్‌ఫ్లిక్స్ అధికారికంగా కన్ఫర్మ్ చేయడంతో ప్రేక్షకుల ఆసక్తి రెట్టింపైంది. సీజన్ 1, 2 చూసిన వారే కాదు, ఒక్క సీజన్ చూసిన వారు కూడా ఈ క్లైమాక్స్‌ను మిస్ చేయకూడదని ఫిక్స్ అయ్యారు. కొత్త ట్విస్టులు, ఊహించని రివీల్స్‌తో స్క్విడ్ గేమ్ లెగసీని ముగించేందుకు సిద్ధమవుతున్న ఈ సీజన్ గ్లోబల్ హిట్ అవ్వడం ఖాయం. రెడీగా ఉండండి, ఫైనల్ గేమ్ మొదలవ్వబోతోంది.