సంజయ్ లీలా భన్సాలీ తన లేటెస్ట్ సినిమా లవ్ అండ్ వార్‌తో మరో సంచలనం సృష్టించేందుకు సిద్ధమవుతున్నారు. ఈ చిత్రం నుంచి తొలి విజువల్ రణ్‌బీర్ కపూర్ బర్త్‌డే రోజు సెప్టెంబర్ 28న రిలీజ్ కానుందని సమాచారం. ఈ సినిమా ఒక ఎమోషనల్ లవ్ ట్రయాంగిల్‌గా రూపొందుతోంది. భన్సాలీ మార్క్ గ్రాండ్ విజువల్స్, హృదయాన్ని హత్తుకునే కథతో ఈ సినిమా మరో మైలురాయిగా నిలవనుంది. ఫ్యాన్స్‌లో ఇప్పటికే అంచనాలు ఆకాశాన్ని తాకుతున్నాయి. ఈ సర్ప్రైజ్ కోసం అందరూ ఆసక్తిగా ఎదురుచూస్తున్నారు.
లవ్ అండ్ వార్‌లో రణ్‌బీర్ కపూర్, ఆలియా భట్, విక్కీ కౌశల్ కీలక పాత్రల్లో నటిస్తున్నారు. ఈ చిత్రం యుద్ధ నేపథ్యంలో సాగే ప్రేమకథగా రూపొందుతోంది. భన్సాలీ స్వీయ రచన, దర్శకత్వంలో తెరకెక్కుతున్న ఈ సినిమాకి సంగీతం.. భన్సాలీ స్వయంగా అందిస్తున్నారు. సినిమాటోగ్రఫీని సుదీప్ ఛటర్జీ, ఎడిటింగ్‌ను రాజేష్ పాండే చూస్తున్నారు. ఈ సినిమా 2026 మార్చి 20న రిలీజ్ కానుంది. రణ్‌బీర్, విక్కీల ఇంటెన్స్ ఫేస్-ఆఫ్ సీన్స్ హైలైట్‌గా నిలవనున్నాయి. ఈ సినిమా భన్సాలీ మార్క్ ఎమోషనల్ డ్రామాకి మరో ఉదాహరణగా మారనుంది.