టాలీవుడ్‌లో యువ హీరోలు కామెడీ ఎంటర్‌టైనర్స్‌తో ఊపు ఊపేస్తున్నారు. ‘మ్యాడ్‌’, ‘ఆయ్‌’, ‘జాతి రత్నాలు’ వంటి హిట్‌ చిత్రాల తర్వాత, ఇప్పుడు మరో ఫన్‌ రైడ్ ‘మిత్ర మండలి’తో రాబోతోంది. ప్రియదర్శి, విష్ణు ఓయ్‌, రాగ్‌ మయూర్‌, ప్రసాద్‌ బెహరాలతో కూడిన ఈ యంగ్‌ టీమ్‌, దర్శకుడు విజయేందర్‌ రూపొందించిన ఈ చిత్రంతో ప్రేక్షకులను అలరించేందుకు సిద్ధమైంది.
టీజర్‌ చూస్తే.. ఈ సినిమా నవ్వుల విందుతో పాటు క్రేజీ డ్రామాతో నిండి ఉందని అర్థమవుతోంది. కమెడియన్స్‌ సత్య, వెన్నెల కిషోర్‌ సన్నివేశాలు టీజర్‌లోనే గుండెలు పట్టేసేలా ఫన్‌ పండించాయి. నిహారిక ఎన్‌.ఎం. ఓ కీలక పాత్రలో మెరిస్తుండగా, వీటీవీ గణేష్‌తో జరిగే ఓ ట్విస్ట్‌ ఆసక్తి రేకెత్తిస్తోంది. పేరడీ సీన్స్‌, హిలేరియస్‌ పంచ్‌లతో ఈ గ్యాంగ్‌ మరో హిట్‌ కొట్టేలా కనిపిస్తోంది.
ఆర్‌.ఆర్‌. ధృవన్‌ అందించిన సంగీతం సినిమాకి మరింత జోష్‌ తీసుకొస్తుంది. వైరా ఎంటర్‌టైన్‌మెంట్స్‌ బ్యానర్‌పై నిర్మితమైన ఈ చిత్రం, యూత్‌ని ఆకట్టుకునే ట్రెండీ వైబ్‌తో రానుంది.