కమిటీ కుర్రాళ్ళు, ది గ్రేట్ ప్రీ వెడ్డింగ్ షో వంటి చిత్రాల ద్వారా తెలుగు ప్రేక్షకుల మనసుకు ఎంతో దగ్గరైనా హీరోయిన్ టీనా శ్రావ్య ఇప్పుడు మరోసారి గేదెల రాజు చిత్రం ద్వారా ప్రేక్షకుల ముందుకు రానున్నారు. ఈ రెండు చిత్రాల ద్వారా ఆమెను ఇప్పటికే చాలా మంది అభిమానులు ఇష్టపడడం మొదలైంది. ఏప్రిల్ 24వ తేదీన రిలీజ్ కానున్న ఈ చిత్రంలో ఆమె నటించారు. గతంలో తన నటన శైలితో ప్రేక్షకుల హృదయాలలో నిలిచిపోయిన ఆమె మరోసారి ఈ చిత్రం ద్వారా తనను తాను ప్రూవ్ చేసుకానున్నారు. ఇప్పటికే విడుదలైన ఈ చిత్ర టీజర్, ట్రైలర్ లో ఆమెను చూస్తే చాలా ప్రామిసింగ్ క్యారెక్టర్ చేస్తున్నట్లు అర్థమవుతుంది. గ్రామీణ నేపథ్యం లేదా టౌన్ అమ్మాయి క్యారెక్టర్ లో చిన్న బడ్జెట్ చిత్రాలకు ఈమె పర్ఫెక్ట్ గా ఆప్షన్ లా నిర్మాతలకు కనిపిస్తున్నారు. మరి ముఖ్యంగా ఆమె డైలాగ్ డెలివరీ చేసే విధానం వల్ల అలాగే అందం తో కూడిన ఒక అమాయకపు నటనా శైలిలో ఆకట్టుకుంటున్నారు.
గేదెల రాజు చిత్ర ప్రీ రిలీజ్ ఈవెంట్ లో ఆమె మాట్లాడుతూ సినిమాలోని క్యారెక్టర్ తో తనను తాను పరిచయం చేసుకుని సినిమాకు మరింత ప్రమోషన్ జరిగేలా చిత్రంలోని ఆమె క్యారెక్టర్ ను వివరిస్తూ అందరిని ఆశ్చర్యపోయేలా చేశారు. అంతే చురుకుగా తనతో చిత్రంలో నటించిన వ్యక్తితో తన ప్రయాణం ఎలా ఉంటుందో కూడా చెబుతూ అందరి కళ్ళు ఆమె వైపు చూసేలా చేశారు. ఇక ఈనెల 24న విడుదల కానున్న గేదెల రాజు చిత్రంలో ఆమె పర్ఫామెన్స్ ఎలా ఉండబోతుందో అని ప్రేక్షకులు, ఆమె అభిమానులు ఇప్పటికే అందరూ ఎదురుచూస్తున్నారు.