తమిళ సూపర్‌స్టార్ విజయ్ నటిస్తున్న ఆఖరి చిత్రం ‘జన నాయగన్’ కోసం ఫ్యాన్స్ ఎంతో ఉత్కంఠతో ఎదురుచూస్తున్నారు. హెచ్.వినోద్ దర్శకత్వంలో రూపొందుతున్న ఈ పొలిటికల్ థ్రిల్లర్ ప్రేక్షకులను ఆకట్టుకోవడానికి సిద్ధమవుతోంది. ఈ మూవీలో హీరోయిన్‌గా నటిస్తున్న అందాల తార పూజా హెగ్డే తన పాత్రకు సంబంధించిన షూటింగ్‌ను పూర్తి చేసింది.. విజయ్-పూజా కాంబోకు అభిమానుల్లో భారీ క్రేజ్ ఉండటంతో, వీరి ఆన్‌స్క్రీన్ కెమిస్ట్రీ ఎలా ఉంటుందనే ఆసక్తి రేగుతోంది. కెవిఎన్ ప్రొడక్షన్స్ సమర్పణలో భారీ బడ్జెట్‌తో నిర్మితమవుతున్న ఈ సినిమా త్వరలో విడుదలకు సిద్ధమవుతోంది. ఈ చిత్రం విజయ్ కెరీర్‌లో మరో మైలురాయిగా నిలవనుందని ఫ్యాన్స్ ఆశిస్తున్నారు. మరి ఈ సినిమా ఎలాంటి హిట్ కొడుతుందో చూడాలి.